Entre outras moitas iniciativas no ámbito educativo, GALICIA ACOLLE está a desenvolver o Programa de Mediación de Pares, que ten como obxectivo fomentar o voluntariado mediador entre o alumnado de bacharelato dos centros educativos de Galicia.

Galicia Acolle, por cuarto ano consecutivo, participará no Máster en Xestión da Cooperación Internacional e das ONG's, organizado pola Universidade de Santiago de Compostela. Nel, a nosa organización encargarase da formación teórico-práctica do alumnado do máster no relativo ao ámbito das migracións e a intervención social en contextos multiculturais. Esta formación verase complementada coa posibilidade de realizar prácticas en proxectos que leva a cabo a entidade.

Galicia Acolle presta servizos de Mediación Social Intercultural en centros educativos, tanto públicos coma concertados e privados.

O 8 de marzo, sábado, Galicia Acolle colaborou nos XXIII Encontros de Educación pola Paz, organizados polo Seminario Galego de Educación pola Paz, coa impartición dun seminario no que tratou a Mediación Social Intercultural no ámbito educativo.

O pasado sábado 15 de marzo celebramos unha xornada de formación dirixida ao voluntariado de Galicia Acolle, que abranguiu varios temas.