Desde que GALICIA ACOLLE comezou a súa andaina, todos os anos oferta clases de lingua e cultura galega e española. Estas desenvólvense en horario de tarde, e están abertas a todas as persoas que desexen iniciarse ou afondar en calquera dos dous idiomas, así como en aspectos que afectan ás diversas culturas.

Nos últimos anos, e en colaboración cos centros educativos de Santiago de Compostela, realízanse actividades  de reforzo educativo a alumnado procedente de familias de orixe estranxeira, que non se poden costear clases particulares, coa finalidade de recortar os posibles desfases curriculares, así como apoialos nas súas tarefas diarias.

Ademais, GALICIA ACOLLE desenvolve nos últimos anos actividades de formación dirixidas a profesionais de todos os ámbitos (educativo, xurídico, sanitario, laboral, servizos sociais, etc.) e por toda a Comunidade Autónoma.